<aside> 📌 Markmið: Byggja upp tengsl og traust meðal starfsfólks og þannig skapa jákvæða vinnustaðamenningu.
</aside>
Þegar hópur einstaklinga með fjölbreytta kunnáttu og sérþekkingu kemur saman og þarf að vinna sem ein heild er mikilvægt að gefa sér tíma til að stilla saman strengi. Samstillingin tryggir að allir teymismeðlimir séu á sömu blaðsíðu, skilji hlutverk sitt og ábyrgð og hafi skýran skilning á markmiðum verkefnisins.
Áður en byrjað er á nýju verkefni er gott að setja skýra samskiptaáætlun, raunhæf tímamörk og skilgreina umfang til að tryggja að allir séu í takt og vinni að sömu markmiðum. Þetta getur hjálpað til við að lágmarka misskilning, koma í veg fyrir tafir og bæta heildarskilvirkni verkefnisins.
Notið teymisstrigann í upphafi verkefnis til að kortleggja það sem skiptir teymið máli og tryggja að vinnan verði árangursrík, streitulítil og ánægjuleg.
<aside> 📢 Áður en þið byrjið!
Tímarammi: 90–120 mínútur
Hópastærð: 2–10 manns
Efniviður: Post-it og pennar
</aside>
Stutt æfing til að nýta snemma í teymisvinnu með áherslu á að deila áhyggjum sem tengjast vinnunni framundan. Tilgangurinn er að stuðla að hreinskilni og „hreinsa loftið“ innan teymis. „Því lengur sem þú gengur um með eitthvað án þess að deila því – því verri lykt verður af því.“ Með því að koma „fýlufisknum“ upp á yfirborðið snemma í vinnunni geta teymismeðlimir tengt og speglað við hvort annað og upplifa því meira öryggi til að deila með hvort öðru þegar líður á verkefnið.
<aside> 📢 Áður en þið byrjið!
Tímarammi: 20–40 mínútur
Hópastærð: 2–10 manns
Efniviður: Skriffæri
</aside>
IDOARRT er gagnlegt tól til að leiða árangursríkan fund eða vinnustofu. Með því að setja fram skýran tilgang og markmið strax í upphafi hjálpar þú þátttakendum að skilja alla þætti fundarins eða vinnustofunnar og skapar sálrænt öryggi í hópnum.
<aside> ❓ Skammstöfunin stendur fyrir :
I: Intention – Tilgangur
Do: Desired Outcome – Æskileg útkoma
A: Agenda – Dagskrá
R: Roles – Hlutverk
R: Rules – Reglur
T: Time – Tímalengd
</aside>